Rabbi🫰
‼️
Insaan ki zindagi kabhi khushiyon se bhari hoti hai aur kabhi aazmaishon se. Baaz auqaat halaat aise ho jaate hain ke lagta hai ab koi raasta baqi nahi toh is waqt yeh "Ayat-e-Karima" jaise dawa ka kaam karti hai
"`LAA TAQNATU MIR RAHMATILLAH ۚ`"
(Surah Az-Zumar: 53)
Tarjuma:~ Allah ki rehmat se naumeed na ho
Aur phir is Ayat ko padhte hi Momin ka yaqeen
jaagta hai aur woh yeh keh uthta hai
Woh toh Allah hai kahani badal bhi sakta haiـ❗
Aur be shak phir Allah Ta'ala namumkin ko bhi mumkin
bana deta hai. Jo aaj mushkil lagta hai, woh kal aasaan ho jaata hai. Insaan tadbeerein karta rehta hai, magar taqdeer ka qalam Allah Azzawajal ke haath mein hai. Isi liye mayoosi kufr ke qareeb hai aur umeed imaan ki alamat.
Pas! Agar zindagi ki kahani dukhon se bhari ho toh insaan ko chahiye ke sabr, dua aur tawakkul ka daaman thaam le aur `"Allah ki rehmat se mayoos na ho"` aur dil ko yeh yaqeen dilaaye ke anjaam Allah ke haath mein hai, aur_________!
Allah chahe toh kahani badal bhi sakta hai_‼️
🪐🍃
....✍︎ Sughra Anjum
__________________________
_←←_←
6/jan/2026🗓️
-------------------------